Paratriatlon sportni hamma uchun ochiq qiladi va alohida ehtiyojli sportchilar uchun teng imkoniyatlar yaratadi. Uning rivojlanishi inklyuziv muhit yaratadi, yangi sportchilarni ilhomlantiradi va faol hayot tarzini ommalashtiradi. Paratriatlonni qo‘llab-quvvatlash yanada ochiq va adolatli jamiyat sari qadamdir.

So'nggi bir necha yil ichida Triatlon federatsiyasi mamlakatda paratriatlonni rivojlantirish bo'yicha ko'plab tashabbuslarni amalga oshirdi, jumladan:

• 2023-yilning 10-11-iyun kunlari ilk bor paratriatlon bo‘yicha Osiyo chempionati tashkil etilib, unda O‘zbekistondan 5 nafar sportchi ishtirok etib, 1 ta oltin, 1 ta kumush va 1 ta bronza medalini qo‘lga kiritdi.
• O‘zbekiston Paralimpiya qo‘mitasi bilan birgalikda rasmiy xalqaro musobaqalarda ishtirok etish uchun paratriatlon bo‘yicha O‘zbekiston milliy terma jamoasi tuzildi.
• Paratriatlon bo‘yicha milliy terma jamoa a’zolari xalqaro musobaqalarda ishtirok etish uchun toifani belgilovchi tasnifdan o‘tishdi.
• Paralimpiya qoʻmitasi bilan birgalikda “2024 Bishkek Asia Triathlon – World Triatlon Para-Development Camp” rivojlanish lageriga 8 nafar para-sportchi va 3 nafar murabbiyni yuborish ishlari olib borildi.
• Terma jamoa tarkibida 2028 yilgi Paralimpiya o'yinlarida medallar qo'lga kiritish imkoniyatiga ega bo'lgan istiqbolli para-sportchilar bor.

Shuningdek, 2025-yil 6-fevral kuni Respublika olimpiya va paralimpiya sport turlarini tayyorlash markazi hududida sportchilar – para-sportchilar uchun o‘quv kursi o‘tkazildi va unda xalqaro musobaqalarga tayyorgarlik ko‘rish bo‘yicha murabbiylar bilan kelgusida ishlash bo‘yicha oraliq natijalar qayd etildi.